AFchamber Sigma Technologies və Alstom Transport şirkətləri İlə birlikdə 27-ci Caspian Oil&Gas Sərgisində İştirak edib
1-3 iyun 2022-ci il tarixlərində Azərbaycan-Fransa Ticarət və Sənaye Palatası “Sigma Technologies” və “Alstom Transport” şirkətləri ilə birlikdə 27-ci Beynəlxalq Xəzər Neft və Qaz Sərgisində iştirak edib. Sərgi Xəzər regionunun neft-qaz və enerji sektorunda mühüm hadisəyə çevrilmiş Baku Energy Gas həftəsi çərçivəsində keçirilib.
Sərginin əsas məqsədi neft hasilatı və enerjinin nəqli sahəsində innovativ texnologiyaların və layihələrin, bərpa olunan enerji mənbələri, neft və qazın saxlanması sistemləri və xidmətləri sahəsində pilot layihələrin nümayişi olub. Sərgidə dövlət rəsmiləri, aparıcı beynəlxalq təşkilatların rəhbərləri iştirak ediblər.
“Alstom Transport” və “Sigma Technologies” şirkətləri texnologiyanın təkmilləşdirilməsi üçün öz layihə və ideyalarını nümayiş etdirən şirkətlər arasında idi.
Alstom Transport 2008-ci ildən bəri Azərbaycanın Qafqaz regionu üçün güclü tərəfdaşı olaraq bütün diqqətini nəqliyyat sektoruna yönəltmişdir.
2008-ci ildə əsası qoyulan Sigma Technologies yüksək texnologiyalı sənayelərin ixtisaslaşmış İT və Telekommunikasiya sektorları üçün unikal həllər təqdim etməyə yönəlmiş Azərbaycan şirkətidir.
Üç gün davam edən sərgini müxtəlif dövlət qurumlarının və iri şirkətlərin nümayəndələri ziyarət ediblər.